Jump to content

أفضل وأسهل طرق عمل بوت للماك من الهارد


mooody
 Share

30 posts in this topic

Recommended Posts

بسم الله الرحمن الرحيم

.

(تم التحديث 24-9-2008 (تم إضافة طريقة أخرى لعمل البوت للماك من الهارد ديسك

 

السلام عليكم أخواني أخواتي في منتدى الماك الرائع ده

 

بصراحة أنا مش من زمان قوي بتعامل مع الماك يعني لسة جديد بس اتعلمت من المنتدى ده حاجات كتير بصراحة وحبيت أي حاجة أتعلمها أنشرها لأخواني هنا في المنتدى

 

هوا أغلب الطرق اللي أنا أتعاملت معاها وعملتها مش بتنفع لحد ما وصلت للطريقتين السهلتين جدا دول اللي مش محتاجين أي حاجة خاااالص..

((وهشرح كمان طريقة عمل بوت لنظامين مع بعض (الماك + الويندوز (إكس بي أو فيستا

 

نبدأ..

.

الطريقة الأولى

أولا طبعا مش هينفع تعمل الطريقة دي من غير ما تعيد تنزيل الماك تاني

 

طبعا خطوات تنزيل الماك معروفة أول ماتحط السي دي (ToH أو Leo4all)

تختار اللغة وتبدأ

 

تدخل على Disk Utility

 

وبعدين تختار الهارد ديسك اللي أنت هتنزل عليه الماك

تعمل أول حاجة Erase

بدون تغيير في الأسم بس تختار MAC OS Extended (journaled)

وبعدين تعمل Erase

 

تختار بعدبها Partition

وهنا تعمل (1 Partition)

 

get-9-2008-tt6bsfuk.jpg

 

وتسمي الهارد ديسك بتاعك بس

 

أهم حاجة أنك متعملش الاسم مكون من شقين أو ثلاثة يعني متكتبش مثلا (Mac OS X)

لأ لازم يكون من شق واحد يعني زي كدا (Leopard) مثلا

 

وبعدين تختار Options

وتتأكد أنو محطوط على Master Boot Record

 

get-7-2008-uxhkbcgy.png

 

تضغط Apply وانتهى الموضوع

بدون أي تيرمينال ولا بطيخ..

 

 

بعدين تحمل الماك طبيعي وتعمل ريبوت (( وتشيل السي دي وشوف التنيجة ))

 

 

هيطلعلك عداد بيعد من ١٠ أو ٨ وبعديها هيدخل الماك على طول ولو حتى ضغطت على

Enter

عادي وهيديك الشكل ده:

 

get-7-2008-0l8mvs4f.jpg

 

تضغط Enter

تاني وبرضو هيعمل بوت للماك من الهارد ديسك..

 

بس ياريت محدش يسألني عن مشكلة (Still waiting for root device)

لأنها مشكلة بصراحة لفيت عليها النت كلو مش لاقيلها حل عملي مع نسخة leo4allv3

.

.

الطريقة الثانية والأسهل

.

الطريقة دي أكتشفتها لوحدي ومن كتر ماهي سهلة حسيت بتفاهة الموضوع وأعتقد اللي بيستخدم نسخ

(iATKOS)

.

مش بيواجه أي مشاكل مع البوت ودي هيا الطريقة

.

:الشرح

.

بكل بساطة هتنزل الماك عااااادي جدا بدون أي حركة من الحركات اللي فوق دي

.

وكل اللي هتحتاجه نسخة

(iATKOS) v2 or v4

.

وتحط السي دي على طول بعد تحميلك للماك أو حتى لو مش عايز تعيد التحميل للماك

.

وتمشي طبيعي مع التحميل بدون أي

disk utility

ولا أي حاجة لحد ماتوصل عند

customize

.

وتشيل أي هلامة صح جنب أي حاجة وتخلي بس الــ

Darwin Bootloader

.

هي اللي جنبها علامة الصح وبعدين تحمل عادي ده طبعا بعد ماتختار الهارد اللي عليه الماك بتاعك قبل خطوة الــ

customize

.

وبعد مايخلص التحميل مش هياخد ثواني وهيقللك

Install Failed

.

طبيعي جدا زي الصورة

.

.

get-9-2008-d3a04usb.jpg

.

.

;) تضغط ريستارت طبيعي وشوف النتيجة وشغلك كللو تماااام ودي صورة للبوت بتاعك بدل الكلام الكتير اللي بيجري ورا بعضو قبل دخولك الماك

.

.

get-9-2008-prah1ag6.png

-------------------------------------------------------

والآن لعمل بوت لويندوز وماك بنفس الوقت كل اللي عليك أنك تنزل البرنامج اللي أسمه

EasyBCD

على الرابط:

http://neosmart.net/downloads/software/Eas...BCD%201.7.2.exe

 

get-7-2008-ymtai15d.png

 

الشرح

 

get-7-2008-2ydn5we6.gif

 

1- نظام البوت الافتراضي .

2- عدد الثواني حتى يدخل على النظام .

 

3- حفظ التغييرات على البوت .

 

4- البوت المراد التعديل عليه .

 

5 - اسم البوت .

 

6- مكان البوت .. أو الدرايف الذي يوجد به البوت C / D / G

 

7- حفظ التغييرات .

 

get-7-2008-z1jgz0tu.gif

 

1- البوت المراد التعديل عليه .

 

2- تعديل البوت بجعله الأول أوالثاني .. الخ ..

 

3- النظام المراد اضافته بوته .

 

4- الدرايف الذي يوجد به النظام المراد انشاء بوت جديد له .

 

5- اسم البوت الجديد .

 

6- اضافة البوت الجديد .

 

 

للأمانة الصور وشرح البرنامج مقتبسين من منتدى الصايرة:

http://www.alsayra.com/vb/showthread.php?t=267426

 

أعمل ريستارت وشوف النتايج

 

أتمنى أكون أفدت الجميع وياريت تقولولي على النتايج وتدوني الردود...

 

 

شكري وتقديري للجميع ;)

مودي الصغير

  • Like 1
Link to comment
Share on other sites

هوا الموضوع مش عاجب حد ولا إيه ولا أنا كاتب حاجة قديمة ولا حاجة مش شايف حد رد على الموضوع حتى بأي حاجة...

 

أتمنى أكون كتبت حاجة مفيدة ومأكونش تعبت نفسي على الفاضي... :pirate2:

Link to comment
Share on other sites

إيه يا مودي إيه اللي مزعلك بس؟ إنت عارف إن القسم لسه جديد ومفيش ناس كتيرة عرفته صبرك شوية على الناس يا مودي :(.

 

بالنسبة للموضوع بقا بدون أي مبالغة هو أفضل موضوع حتى الآن في القسم لأنه أول موضوع باللغة العربية يشرح كيفية تنصيب الماكينتوش على جهاز كمبيوتر عادي وهو ده اللي إحنا كلنا محتاجينه في الفترة ده عشان نجذب الناس للقسم.

 

ربنا يبارك فيك يا مودي واوعي تزعل إن مفيش حد بيرد كتير لأن القسم لسه في بداياته ده إحنا لسه بناقش دعم اللغة العربية في المنتدى أفضل من دلوقتي فمتقلقش المنتدى هيبقى أفضل من كدة متقلقش بس الموضوع كله محتاج وقت.

 

بالتوفيق ليك يا مودي وياريت متحرمناش من جديدك وأنا ملاحظ إنك كل حاجة بتعرفها بتقولها وده شيء يدل على حسن خلقك وحب تعاونك مع الناس ياريت متنقطعش العادة الجميلة ده ومعلش أنا أطلت عليك في الكلام والصبر مفتاح الفرج :unsure:.

 

والسلام عليكم ورحمة الله وبركاته.

Link to comment
Share on other sites

تسلم ياباشا على الردود الحلوة دي وربنا يخليك وأنا إن شاء الله على استعداد للمشاركة في نجاح القسم العربي ده بإذن الله بس أنا خفت لحسن يكون موضوعي ملهوش لازمة عشان كده بس مش أكتر...

Link to comment
Share on other sites

  • 2 weeks later...

Hello,

 

It's a great thing to see the Arabs gathers here to help each other, and try our best to help any of them out :) ..

 

Great Topic Mooody :( ..

 

Lets communicate on the MSN Messnger, becuase it's gona be better :) ..

 

BoO_SuLtAn (@) hotmail .com

alkaabi (@) alkaabi .ws

 

Regards"

 

Rashid S. Alkaabi

Link to comment
Share on other sites

السلام عليكم

 

مبروك اولا على القسم العربي و الشرح رائع جدا و سهل بس انا مش عاوز اخاطر بأني احمل نسخة ماك جديدة و مش ضامن الطريقة دي تنفع او لأ

 

ارجوك يا مووودي انت متأكد بنسبة كام ٪ ان الطريقة دي شغالة ؟

 

 

الأخ murder محتاج منك مساعدة في موضوع كارت الشاشة

 

انا عندي كارت شاشة nvidia 7600 GT 512 MB

 

و مش عارف اعرفه ازاي على الماك و كل ما عامل ريستارت بعد تعريفه بجيبلي شاشة سوداء و مش عارف اخدل تاني على الماك و اذطريت اني احمل نسخة جديدة

 

منتظر ردك و جزاك الله كل خير

 

الأخ murder محتاج منك مساعدة في موضوع كارت الشاشة

 

انا عندي كارت شاشة nvidia 7600 GT 512 MB

 

و مش عارف اعرفه ازاي على الماك و كل ما عامل ريستارت بعد تعريفه بجيبلي شاشة سوداء و مش عارف اخدل تاني على الماك و اذطريت اني احمل نسخة جديدة

 

منتظر ردك و جزاك الله كل خير

Link to comment
Share on other sites

السلام عليكم رحمةالله وبركاته

شكرا لكم على المرور وعلى الردود الحلوة دي وأن شاء الله الكل يستفيد من قسمنا العربي للماك...

أولا أنا آسف للجميع لأني مسافر حاليا أنا في مصر وبقالي فترة مش فاتح النت عشان كده مرديتش عليكم..

 

أخ

rashid

شكرا لمرورك وأنا ضفتك على الماسنجر

 

أخ

yassor

أنا أضمنلك نجاح هذه الطريقة 10000% لأني جربتها أكتر من مرة في خلال كام يوم ولما معملتهاش ونزلت الماك بطريقة عادية كانت النتيجة أن لازم أعمل بوت من السي دي..

أو على الأقل مع نسخة leo4all v2 أو leo4all v3 وبصراحة مش فاكر إذا جربتها مع نسخة iATKOS v2 مع أني متأكد أن شاء الله أنها فعالة 100% مع كل النسخ..

أما بالنسبة لتعريف كرت الشاشة أنا عندي نفس الكرت اللي عندك بس 7300 كل اللي بعمله أني مع التحميل لنسخة الماك بدخل على customize وبختار أن كل تعاريف الــ nvidia تنزل مع تحميل الماك وأعتقد في مواضيع مطروحة لتعريف كرت الشاشة في القسم بتاعنا...

أتمنى أكون أفادتك...

 

وطلب أخير من الأعضاء اللي جربوا طريقتي يردوا بنجاح أو فشل الطريقة عشان الكل يستفيد إن شاء الله..

 

 

تحياتي للجميع

Mooody

Link to comment
Share on other sites

  • 5 weeks later...

السلام عليكم .....آسف جدا يا جماعة على كل هذا التأخير و لذلك نظرا لظروف و الحمد لله مرت بسلام و المهم.....أحب اقول لكل الأعضاء العرب في هذا المنتدى الكريم رمضان كريم و أعاده الله علينا و عليكم بالخير و البركات

 

 

وبالنسبة للأخ Mooody

أبشرك و أقولك ان كلا الطريقتين اللي انت شرحتهم نجحوا معي و الحمد لله

نجحت في الدخول على نظام الماك بدون قرص الدي في دي و نجحت أيضا في الأختيار ما بين نظامين (ماك +فيستا أو ماك + اكس بي) و لكن الطريقة الثانية تحتاج الى بعض التركيز و ترتيب معين و ليس عفوا

 

هحاول اقول شرح بسيط لكي يفهم كل الأخوة الذين يريدون تنفيذ هذه الطريقة :

 

أولا-----قم بتحميل نظام الماك بالطريقة التي في أول الموضوع ولكن الفرق انه سيتم تقسيم الهارد ديسك الى ٢ بارتيشن و ليس واحد و نعمل فورمات للأول بنظام Mac os journaled

ثانيا-------نعمل فورمات للبارتيشن الأخر بنظام (فات٣٢) أو نتركه كما هو لأنه سيتم عمل فورمات له مرة أخرى عند تنصيب الفيستا....قم بتسمية مثلا البارتيشن الاول (ماك) و سمي الآخر (فيستا) لأن هذه هي الفرصة الوحيدة لاعادة تسمية البارتيشن فيستا حيث لن يتاح لنا ذلك بعد اعادة الفورمات له الى فات ٣٢

 

ثالثا------بعد انتهاء تنصيب الماك و الدخول عليه بنجاح بدون دي في دي و بعد تعريف كروت الصوت و الشاشة و الانترنت و خلاف ذلك ...ستجد البارتيشن فيستا موجود و لكن يمكن قراءة الموجود عليه فقط و ليس التعديل فيه طالما اصبح بنظام (فات٣٢ أو ان تي اف اس)

رابعا-------قم باعدة تشغيل الجهاز و ضع اسطوانة دي في دي تحميل فيستا أو اكس بي حسب الرغبة و قم بالتحميل عادي جدا و انتظر انتهاء التحميل للنهاية

خامسا------لنفرض انك قمت بتنصيب فيستا..قم بالدخول عليه عادي جدا و ستجد ان الدرايف الموجود عليه فيستا قد رمز برمز (سي) و هذا هو الأساسي و عرف الأنترنت و قم بتحميل برنامج Easy BCD

سادسا-------اتبع الشرح الموجود بالأعلى و لكن هناك بعض التغييرات البسيطة.....عند اضافة Add new entry

احرص على اختيار mac

و من داخل هذه القائمة اختر generic ox86 pc

هذا اذا كان جهازك جهاز بي سي و ليس ماك بوك او أي-ماك

و اختر الدرايف الموجود عليه الماك و ستجد انه سمي Boot

وهذا هو الدرايف الموجود عليه ماك

و في النهاية اختر الزمن بالثواني المتاح لأختيار البووت و سمي المدخل الخاص بالماك (ماك مثلا)و قم بحفظ التغييرات و اعمل ريستارت للجهاز

سابعا-------عند ال بووت في البداية سيخيرك بين فيستا او ماك و متروك لك الزمن بالثواني الذي اخترته و عند انتهائه سيقوم باختيار فيستا

لذا قم اختيار ماك قبل الوقت و بعد ذلك سيقوم بالدخول على جزء الماك و لك ٤ او ٨ ثواني قم بالضغط على ازرار الاسهم لاعلى او لاسفل قبل انتهاء الوقت لانه سيقوم باختيار الدرايف فيستا من تلقاء نفسه و بعدها تختار الدرايف الاعلى او الموجود به ماك و تضغط Enter

و الآن اقول مبروك انت الآن على نظام ماك بعد تنصيب ناجح للفيستا و الماك

 

و الآن جاء دور الصور التي تساعد في الشرح و التي سأقوم برفعها قريبا

 

Link to comment
Share on other sites

أخ yassor

شكرا لك على الشرح المفصل الرائع يمكن نبهتني على نقطة وهي تنزيل الماك والفيستا على نفس الهارد ديسك واللي لم تخطر على بالي وقت الشرح لأني أتعامل مع أكثر من هارد ديسك وعشان كدة شرحت الطريقة بناءاً على أن المستخدمين هينزلوا الماك على هارد ديسك والويندوز على آخر..

 

فاااااتتني...!!! :P

 

شكرا لك ياباشا على التوضيح ونتمنى نستفيد من باقي الأعضاء بعد تجريبهم للطريقة..

Link to comment
Share on other sites

شكرًا أخي ياسور على الإضافة الجميلة والشرح المفصل ده وياريت نسمع كمان من الأعضاء لإثراء أكثر للموضوع لأنه بالفعل أفضل موضوع في القسم حتى الآن.

 

:( يثبت الموضوع

 

.شكرًا مودي على الموضوع الجميل ده

Link to comment
Share on other sites

  • 2 weeks later...

تسلم ايديكو يا رجاله

 

بجد انا كنت دايخ على حل لحكايه الستارت اب بالدى فى دى

 

بس الحل طلع سهل وعبيط قوى انا ضحكت على نفسى اول ما جربتها

لانى كنت جربت حلول اصعب من دى بكتير

 

المهم انا دلوقتى بجرب حكايه الXP مع الMAC وان شاء الله تنفع

 

كده المنتدى بتاعنا ده هيضرب جميع المنتديات التانيه

 

بس انا عندى نصيحه للناس مينزلوش الاب دايت من About this MAC او software update لا لازم يكون

stand Alone update

لان الحركه دى بتضرب السيستم

وارجو انها تكون اضافه مفيده زى ما استفدت من الموقع ده وشكرا ليكووووووووووووووووووووو

Link to comment
Share on other sites

شكرا يا

medoo3000

على الإضافة الحلوة دي بس لو أنت حابب تنزل الأبديت عادي نزلو بس أتجنب الــ

mac os update combined 10.5.x

لأنو هوه اللي بيضرب السيستم

ولو حابب برضو تنزلو في طرق تنزيل تحديث الماك بدون مايضرب عليك السيستم

تابع الرابط:

http://netkas.org/?p=50

 

شكرا ليك على المشاركة.. :)

Link to comment
Share on other sites

:wacko: موضوع الأبديت ده عملي صداع في نفوخي

بقالي 3 أيام معنديش غيرو عمال أنزل فيه وحاولت بكل الطرق أني أنزلو وكل مرة يضرب معايا السيستم وأعيد، وكانت أقصى حاجة وصلتلها أن الجهاز بيحمل الأبديت من غير مايضرب السيستم بس لما أعمل ريستارت بعد نهاية المشوار مش بيعمل بوت للماك لأ بيعمل ريستارت ويفضل يعمل ريستارت على طول

 

تعبت ياناس

 

أنا هموت وأنزلو لأنو عالج مشاكل كتير حسب ماقرأت وأنو في بعض التغير في الشكل

 

:D وبعد كل اللي عملتو ده قال أيه نزلت النسخة 10.5.2 اللي بتعامل معاها دايما وقال مرة وحده ضرب السيستم شئ غريب عجيب... :) من غير أي حاجة كل اللي عملتو أني فتحت الماسنجر

 

لأ بس إن شاء الله مش هسيبو وهنزل طريقة تنزيل الأبديت السهلة العملية في المنتدى إن شاء الله

 

Link to comment
Share on other sites

:D موضوع الأبديت ده عملي صداع في نفوخي

بقالي 3 أيام معنديش غيرو عمال أنزل فيه وحاولت بكل الطرق أني أنزلو وكل مرة يضرب معايا السيستم وأعيد، وكانت أقصى حاجة وصلتلها أن الجهاز بيحمل الأبديت من غير مايضرب السيستم بس لما أعمل ريستارت بعد نهاية المشوار مش بيعمل بوت للماك لأ بيعمل ريستارت ويفضل يعمل ريستارت على طول

 

تعبت ياناس

 

أنا هموت وأنزلو لأنو عالج مشاكل كتير حسب ماقرأت وأنو في بعض التغير في الشكل

 

:D وبعد كل اللي عملتو ده قال أيه نزلت النسخة 10.5.2 اللي بتعامل معاها دايما وقال مرة وحده ضرب السيستم شئ غريب عجيب... :( من غير أي حاجة كل اللي عملتو أني فتحت الماسنجر

 

لأ بس إن شاء الله مش هسيبو وهنزل طريقة تنزيل الأبديت السهلة العملية في المنتدى إن شاء الله

 

حاولت مع ؟boot-132

أنا نزلت من الاسطوانة الأصلية و عملت أبديت من ال Software Update من غير أى مشكلة

انصحك انك تجرب و ان شاء الله كل حاجة هاتشتغال :)

Link to comment
Share on other sites

شوف يا مودي طريقة التنزيل اللي موجودة في توقيع ثري دي عشان هتلاقي في تفاصيل أكتر لأنك لو قدرت تشغل إسطوانة أصلية يبقى كل التحديثات بالتالي هتبقى من التحديث العادي والنظام مش هيضرب أبدًا وأعتقد هو ده اللي عندك يا ثري دي صح؟

Link to comment
Share on other sites

أنا الحمد لله شغال بالطريقة الأولى من غير أى مشاكل و عملت الأبديت من 10.5 لـ 10.5.5 على طول .

أما الطريقة التانية أنا لسه مجربتهاش عشان ماعنديش هارد فاضى للـ GUID بس هى من احسن طرق تنزيل الماك على الكومبيوتر

:)

Link to comment
Share on other sites

ياريت ياجماعة معلش حد يوضحلي بس عشان أنا دخت قوي من المواضيع اللي في توقيع

(3d man )

ووصلت لمواضيع تانية كتير قوي دخلتني في بعض وكللو كلام كتير وأنا فهمت على قد اللي قرأتو وبس...

 

باختصار اللي فهمتو أن في سي دي أسمه

(boot 132)

ده بنعمل منه بوت في الأول عشان يدينا صلاحية تنزيل الماك من السي دي الأصلي... وفي سي دي كمان تقريبا حسب ما لاقيت أسمه

( efi_boot)

وده مش عارف أيه لزمتو في الحياه...

 

ياريت لو مش هغلبكم حد بس يشرحلي بالمختصر الممل المفيد :) عشان بجد دخت قوي

 

بس عايز أعرف هل نسخة الماك

( retail )

هيه النسخة اللي بنستخدمها

(( leo4all ))

وكده ولا السي دي الأصلي بتاع الماك..؟؟؟ ولو هوه السي دي الأصلي ياريت حد يحطلي لينك تحميل ليه أو يديني معلومات كافية عن الطريقة دي لأني مش فاهم أي حاجة في أي حتة...

 

شكرا

Link to comment
Share on other sites

  • 4 weeks later...
  • 7 months later...

سلام للجميع...

آنا مستخدم جديد في هذا المنتدى وكتير مبسوط آشوف اخوة عرب هون!

 

أولاِ آنا بعشق الماك وصار لي ٢٠ سنة بستخدمه... وصرت مشتري كتير اجهزة اصلية من ابل... وبحس انه حان الوقت يطلع حدا بحل جديد يكسر هل احتكار...

بس مشكلتي انه لحد الآن ما لقيت installation guide واحد

بسيط اتبعه لعمل الهاكنتوش الجديد بتاعي...

هل تستطيعون مساعدتي؟ وآيضاِ لازم يكون في شرح مفصل عن الهاردوير اللي لازم اشتريه عشان يشتغل كل شي تمام...

 

مع الف شكر مقدمِاٍِ...

Link to comment
Share on other sites

 Share

×
×
  • Create New...