فى البداية انا اخوكم محمد من مصـر او بالتحديد من شـبرا
ثانيا بقا انا بعد كفاح دام اكتر من شـهرين عشـان اثبت النظام دا على جـهازى وصـلت لأنى غيـرت الجهاز خالص عشـان خاطر سـعادته بس مش مهم المهم ان الواحد اتعلم ونجـح بعد بتاع 125 تجربه فاشــلة تقـريبا
فلما الماك اشتغل مصـدقتش نفـسى افتكرت كل المشاكل اتحلت لكن اتاريها بدأت خلاصـة الموضوع يعنى انا هحط ارخم المشاكل اللى واجـهتنى وحلولها ومعانا المشكلة الأولى
1- مشكلة زرار الكوماند او بالبلدى كدا الكنترول
ادوس كنترول اف مفـيش بحث والت تاب وبرضـه مفيش حاجة بتحصـل وخد عندك بقا اجى افتح تاب جديد بكنترول تى زى زمان مفـيش خالص
كنت هاتشـل واصـرف نظر خالص عن الماك لكنى بحـثت لحد ملقيت الحل الحل كالآتى
افتح
system preferences هتلاقيها تحت على الدوك
ومن تحت قايمة hardware اختار الكيبورد والماوس
وبعد كدا اختار modifier keys
وبدل الكوماند مع الكنترول يعنى فى قايمة كوماند اختار كنترول وفى قايمة كنترول اختار كوماند
وبكدا تدوس كنترول اف كنترول تى او اى كنترول تحبه يامعلم
اما بالنسـبة لــ alt + tab
فهي فى الماك اسمها كوماند تاب يعنى هتدوس
Ctrl + Tab
اما تانى مشكلة خنقتنى للبطء الشديد فى تنفيذها هي التحويل من عربى لأنجليزى بواسطة الكي بورد
فاختصار العملية دى
Command + space
يعنى
Ctrl + Space
معلش بقا دا اللى لحقت اتعلمه فى الـ 3 ايام دول عشـان كان طالع عينى فى التعريفات
اتمنى ان الرغى اللى فوق دا يفيـد حد
والسلام عليكم ورحمة الله وبركاته