Jump to content

بالقراءة والكتااابة NTFS أخييييييييييييرا


mooody
 Share

7 posts in this topic

Recommended Posts

السلام عليكم ورحمة الله وبركاتة

 

إخواني أخواتي الأعضاء البرنامج ده هدية منى لكل مستخدمي الماك عامة وللأخ خالد خاصة...

 

بصراحة أنا لحد اللحظة دي مش مصدق أن ده يحصل..

 

أنا عن نفسي بأتعامل مع ٤ هاردات وبواجة مشكلة كبيرة أن الماك مش بيديني الصلاحية للتحكم في الهارد أو النسخ علية أو أعمل حفظ عليه لكن سبحان الله أنا بضور كده بالصدفة وقعت على البرنامج اللي بصراحة يساوي ذهب...

 

مش هطول عليكم بس بجد أنا لسة حالا ملاقيه ومش مصدق من الفرحة قلت لازم أحطه في المنتدى فووورا...

 

رابط التحميل

 

http://download.paragon-software.com/macos...ac_OS_X_6.0.dmg

 

التسجيل

 

تدخل على الموقع وتشتريه على الرابط ده... :D

 

NTFS كل اللي عليك أنك تحمل وتعمل ريستارت وفعلا هتلاقي أن الهاردات الــ

 

NTFS وتعمل Disk Utility شغالة معاك وعندك كل الصلاحيات عليها وممكن حتى تفرمت عن طريق الــ

 

أتمنى تكون مواضيعي مفيدة ويارب أشوف منكم ردود

Link to comment
Share on other sites

ألف ألف شكر يا مودي على الهدية الجميلة ده ومقبولة يا سيدي وأنا عارف إن ده مشكلة بتواجه الكثيرين منا والبرنامج ده أنا عارفه كنت تسأل يا عم في المنتدى ومحدش هتأخر عليك لو يعرف وعلى فكرة البرنامج ده رقم واحد في التعامل مع النوع ده من التقسيمات هو في واحد تاني برنامج مجاني اسمه

 

NTFS 3G

 

،ده مجاني بس أكيد البرنامج ده أفضل منه لأنه فعلًا بيديك كل الصلاحيات بس مشكلته إنه غالي شوية،كنت عايز أقول على حاجة يا مودي بعد إذنك السيريالات والبرامج المقرصنة مانعينها هنا في المنتدى طبعًا ده للبعد عن أي مشاكل لشركات الاستضافة أو البلد نفسها اللي فيها السرفر ممكن يقفلوا الموقع نفسه لو اشتكوا وكلام كدة إحنا في حل منه فمعلش بس لو تسمح بس تشيل معلومات التسجيل اللي إنت حاططها.

 

.معلش أنا مش عايزك تكون زعلان يا مودي بس هما أصحاب الموقع وده قوانينهم وبالتوفيق ومتحرمناش من مشاركاتك الهامة والنافعة ده ومتزعلش هه

 

:) والسلام عليكم ورحمة الله وبركاته

Link to comment
Share on other sites

أنا آسف يا خالد بصراحة مكنتش أعرف حاجة عن الكلام اللي أنت قولته وبصراحة ماشاء الله عليك بحاول أني أجيب حاجة وأفاجئك بيها تطلع عارفها من قبلي... ماشاء الله تبارك الله عليك.. الله يحفظك

 

عموما أنا عملت اللي أنت عايزو بس كنت بتمنى الناس تستنفع مني بس شكلو كده محدش هيبص على مواضيعي تاني...!!!

 

ولو في طرية مثلا أن ننزل الباتش في المرفقات مثلا أو أي طرية أخرى ملف مضغوط مثلا يحتوي السيريال أو أي حاجة ياريت تقوللي وآسف كمان مرة على الخلل اللي حصل..

 

وأطلب منك طلب ياريت لو عندك برامج وحاجات مفيدة كدة ياريت تطرحها...

 

 

شكرا ليك ياخالد

Link to comment
Share on other sites

.لا برضو يا مودي المرفقات هتكون ممنوعة لأن مفيش فرق بينها وبين الروابط المباشرة أو الغير ممكن بس عن طريق الرسائل الخاصة مفيش مشاكل إن شاء الله

 

وبإذن الله تجد ما يسرك الأيام القادمة أنا مش بحب مواضيع كتيرة لأن القسم ده خاص بتشغيل الماك على الكمبيوتر العادي ولذلك مش حابب فكرة إننا ننزل برامج كتيرة أو كدة إلا الحاجات الخاصة بالقسم ده أو تبقى برامج خاصة باللغة العربية بحيث إن القسم يكون شامل الحلول اللي باللغة العربية+مشاكل تشغيل الماك على الكمبيوتر العادي ده وجهة نظري في القسم غير إن في بعض البرامج ممكن نتكلم فيها مفيش مشاكل إنما مش بالشكل بتاع منتديات الماك المتخصصة لأن ده قسم بس لاحظ قسم مش منتدى

 

شوف ده رأيي قولي رأيك إنت لأني أكيد أحب أسمعه وأسمع آراء بقية الأعضاء هنا ونشوف ممكن نخلي القسم ماشي إزاي لو إنتوا مش عاجبكم رؤيتي للقسم (أهم شيء الديمقراطية :D ) إنت عارف يعني يا مودي

. -_- والسلام عليكم ورحمة الله وبركاته

Link to comment
Share on other sites

كلامك تمام ياخالد بس أنا بقول أن القسم ده يتعلق بكل ما يخص الماك باللغة العربية يعني مش البرامج العربية ومشاكل التنزيل بس لأ كل حاجة تخص الماك، بس الفرق بينه وبين الأقسام الأخرى أنه بالعربي يعني لغة النقاش فيه بالعربي مع الأعضاء وخصوصا إن القسم مش تحت عنوان معين زي مثلا hardware & drivers اللي هوا بس قسم متخصص للتحدث عن الدرايفرات الخاصة بالماك... وأن القسم ده عاام للماك بس باللغة العربية والمفروض أنه يحتوي على كل مايخص الماك (سواء طريقة تشغيل النظام أو الدرايفرات أو البرامج...إلخ ) بس اللغة المستخدمة في القسم هي اللغة العربية...

 

وكمان أنا في رأيي أنه يكون القسم دسم بالمواضيع والبرامج اللي تخص الماك وطريقة استخدامها بالشرح العربي حتى نجذب أكبر قدر ممكن من الأعضاء للاشتراك في القسم ممكن بعد كده من كتر الأعضاء في القسم يكون لينا منتدى خاص كامل للماك بالعربي في نفس الموقع...

 

دي وجهة نظري ياخالد والأمر راجع ليك...

 

تحياتي :D

Link to comment
Share on other sites

معاك ياخالد بس أنا مش بعتقد أنهم هيعملوا وصلة لغات في كل قسم من الأقسام هما بس وضعوها في

OSx86 Project

بحكم أنهم شايفينو القسم الرئيسي للموقع

بس هل ده معناه أن أحنا نتقيد تماما بالكلام بلغتنا في حدود القسم ده ولا ممكن تنكلم عن الأقسام الأخرى بحكم أن ده الفرع الوحيد للموقع اللي فيه اللغة العربية...؟؟؟

 

رأيك أيه

وياريت لو بقية الأعضاء يساهموا معانا في النقاش أكيد هنستفيد منهم...!!

Link to comment
Share on other sites

 Share

×
×
  • Create New...